Bauan Blues

Verse 1:
Im Paradies, in Bayern, in am Dorf an gloan
Du woassd scho wos I moan
Do stähd scho seid schia ewiga Zeid,
Da Hof vom Vorderrohr Bauan

Verse 2:
Da Vorderrohrer bewirtschaft den Hof
Wia vor eam scho 10 Generationen
A fesche Frau, 3 Kinda und a neia Stoi
Wos 35 Millekia wohnen

Verse 3:
Er wergld und arbad des ganzn Dog
Doch da Stoi is lang on ned obzoid
An neia Silokambe brauchada, doch woher s’Gäid nemma
Wenn da Millebreis scho wieda foid


Bridge:
Und de Sunna gähd auf in dem gloana Dorf
Und as Lehm gähd hoid sein Gang
Und de Sunn gähd auf fia olle Leid
Bloß fian Vorderrohrer scheinds nimma lang


Verse 4:
Imma effda dengda, wos de Zukunft eam bringd
Und wias woi weida geh soi
Er konn konn ned schlaffa, drahd sie hin und her
Weil eam koa Ausweg ned eifoid

Verse 5:
Aussezong in de Stod
Sie leanan iadz an gscheidn Beruf,
Weil ma ois Bauer koa Perspektive ned hod

Verse 6:
Neilich war de Aigner do,
Sie wünscht eam fia d’Zukunft vui Glück
Unsa Kulturlandschaft muass erhoidn werdn,
Dann bringds da Helikopter noch Berlin zrugg


Bridge:
Wia vorher!


Verse 7:
Iadz is dann soweit, es gähd sie nimma um,
Vor da Stoidia, stähd scho da Viechwong
Kahm hamms de ledzde Kua aussedrimm
Werd as Doua fia imma zuagschlong

Verse 8:
Im Paradies, in Bayern, in am Dorf an gloan
Du woassd scho wos I moan
Vafoid schee langsam da valossne Hof
Vom Vorderrohr Bauan